Plan B
*எந்த ஒரு #வேலையையும் தொடங்குவதற்கு முன்னால் ‘ப்ளான் பி’ பற்றியும் யோசியுங்கள்??!!?*
உலக அளவில் புகழ் பெற்ற கிரிக்கெட் அணி, ஆஸ்திரேலியா. கடந்த பல வருடங்களாகவே அவர்களை ஜெயிப்பதற்கு இன்னொருவர் கிடையாது என்கிற அளவுக்கு ஆதிக்கம் செலுத்திவருகிறார்கள்.
அவர்களிடம் சென்று ‘உங்களுடைய வெற்றிக்கு என்ன காரணம்?’ என்று கேட்டால் ஆஸ்திரேலிய கேப்டன் கூறுவார். ‘ப்ளானிங்!’
திட்டமிடுவது மட்டும்தானா? அதுவே வெற்றிக்கு உத்திரவாதமாகிவிடுமா?
இல்லை. வெறும் ப்ளானிங் போதாது. அதைச் சரியாகச் செயல்படுத்தவும் தெரிந்திருக்கவேண்டும்.
சரி, செயல்படுத்துகிறேன். ஆனால் அதில் பிரச்னைகள் வருகிறது. என்ன செய்ய?
’அப்போதுதான் ‘ப்ளான் பி’யைக் கையில் எடுக்கவேண்டும். பதறாமல் பயணத்தைத் தொடரவேண்டும்’ என்பார் ஆஸ்திரேலிய கேப்டன்.
‘ப்ளான் பி’யா? அதென்ன?
பொதுவாக எந்த ஒரு வேலையையும் தொடங்குவதற்கு முன்னால் ஒரு திட்டம் யோசித்தால் போதாது. ஒருவேளை அது சொதப்பிவிட்டால் என்ன செய்வது என்கிற இரண்டாவது திட்டத்தையும் யோசித்துவைத்துவிட வேண்டும். அதுதான் ப்ளான் பி!
உதாரணமாக, சினிமாவுக்குப் போகிறோம். டிக்கெட் கிடைக்கவில்லை. அதற்குப் பதிலாக பீச்சுக்குப் போய்த் திரும்பலாம் என்று யோசித்துவிட்டுக் கிளம்புகிறோம். இதில் சினிமா ‘ப்ளான் ஏ’, பீச் ‘ப்ளான் பி’.
இந்தச் சின்ன உதாரணம் எல்லோருக்கும் புரியும். ஆனால் பெரிய திட்டங்களைத் தீட்டும்போது நம்மில் யாராவது ‘ப்ளான் பி’ பற்றி யோசிக்கிறோமா? அதற்குக் காரணம் ‘ப்ளான் ஏ’ மேல் உள்ள அசாத்திய நம்பிக்கைதானா? அல்லது, அலட்சியமா?
‘கடவுளை நம்புங்கள். ஆனால் உங்கள் காரைப் பூட்டிவையுங்கள்’ என்று ஆங்கிலத்தில் ஒரு பிரபலமான பொன்மொழி உண்டு. அதுகூட ’ப்ளான் பி’ தான்!
’ப்ளான் பி’ பற்றி ஆங்கிலத்தில் ஏராளமான புத்தகங்கள் உள்ளன. அவற்றில் முக்கியமானது, இந்த ‘கெட்டிங் டு ப்ளான் பி’. இதன் ஆசிரியர்கள் ஜான் முல்லின்ஸ் மற்றும் ராண்டி கோமிஸர்.
எந்த ஒரு திட்டத்தையும் தயார் செய்கிறபோதே அதில் பாஸிட்டிவ் என்ன, நெகட்டிவ் என்ன என்று யோசித்துவிடவேண்டும். அந்த நெகட்டிவ் அம்சங்களுக்கு மாற்றாக இன்னொரு ‘ப்ளான் பி’ திட்டத்தைத் தயார் செய்துவிடவேண்டும் என்பதுதான் இந்தப் புத்தகம் சொல்லும் மையக் கருத்து. இதற்கான பல எளிய உத்திகளை ஆசிரியர்கள் விளக்கி வழி சொல்கிறார்கள்.
1. உங்களுடைய திட்டத்தில் வெறும் ‘நம்பிக்கை’ அடிப்படையில் என்னென்ன விஷயங்களை ஊகித்திருக்கிறீர்கள்? ஒருவேளை அந்த நம்பிக்கை பொய்யாகிவிட்டால் என்ன செய்வீர்கள்? உணர்ச்சிவயப்படாமல் யோசியுங்கள்.
2. ஒரு திட்டம் நிச்சயம் வேலை செய்யும் என்று நம்புங்கள். அதேசமயம் அது ஏன் வேலை செய்யாது என்று குறை சொல்கிறவர்களை அலட்சியப்படுத்தாதீர்கள், அவர்கள் சொல்வதில் உண்மை இருக்கிறதா என்று கொஞ்சம் யோசிக்கப் பழகுங்கள். பல சந்தர்ப்பங்களில் அந்த விமர்சனங்களே உங்களுக்கு வழிகாட்டிகளாக அமையும்.
3. ப்ளான் ஏ, ப்ளான் பி இரண்டும் ரொம்ப வித்தியாசமாக இருக்கலாம். அல்லது ஒன்றிலிருந்து லேசாக மாறுபட்டதாக இருக்கலாம். அந்த ஒப்பீடு முக்கியம் அல்ல. ஒன்று சொதப்பினால் இன்னொன்று நிச்சயமாகக் கை கொடுக்குமா என்று யோசித்துக்கொள்ளுங்கள்.
4. ஒருவேளை உங்கள் ‘ப்ளான் பி’யிலும் ஓட்டை இருப்பின், ‘ப்ளான் சி’ பற்றி யோசியுங்கள். தப்பே இல்லை...!!
வெற்றிக்கு வாழ்த்துகள்...!!!
No comments:
Post a Comment